(21 മാര്ച്ച് ......)
ചിരിക്കുന്ന എന്റെ മുഖത്തിനു പിന്നിലെ കടുത്ത
ഏകാന്തതയെ നീ തിരിച്ചറിയുന്നുവൊ?
ആത്മാവ് ഉരുകുന്നപ്പോഴാണെന്നറിയുമോ?
പ്രണയിക്കുമ്പോള്..
ഹൃദയത്തിന് കനം വെക്കുന്നതെപ്പൊഴെന്നറിയുമൊ?
പ്രണയവും വിരഹവും ഒന്നെന്നറിയുമ്പോള്..
നീ പിന് വാങ്ങിക്കൊള്ക..
ഞാന് തനിയെ താണ്ടേണ്ടുന്ന ഇരുള്വഴികള്..
എന്റെ മൗനം മുറിഞ്ഞ് പോകുന്നു..
എന്റെ തേങ്ങലുകള് നിന്റെ കേള്വിക്കുമപ്പുറം..
നിനക്ക് തിരിച്ചറിയാനാവാത്ത ശബ്ദങ്ങളില്
ഒന്നിനി എന്റെ ശബ്ദവും..
പ്രണയം അഗ്നിയാണെങ്കില് ഞാന്
എരിഞ്ഞടങ്ങട്ടെ..
പ്രണയം ശൈത്യമാണെങ്കില് ഞാന്
ഉറഞ്ഞ് പോകട്ടെ..
പ്രണയം വര്ഷമാണെങ്കില് ഞാന്
അലിഞ്ഞില്ലാതകട്ടെ..
അറിയുക എനിക്ക് പൂത്തുലയാന്ഇനി ഒരു വസന്തം ബാക്കി ഇല്ലെന്ന്..
അവശേഷിക്കുന്നത് കൊടുംഗ്രീഷ്മത്തിന്റെ
ഉള്ത്തപം മാത്രം..
തുള വീണുപോയ എന്റെ ആത്മാവ്
ഇനി കുപ്പക്കൂനയില്..
എരിയുന്ന മുറിവുകളിലേക്ക് വെള്ളിച്ചിറകുള്ള
മാലാഖമാരുടെ മൃദു സ്പര്ശം..സ്വപ്നങ്ങളില്...